Бейжің олимпиадасына барғандар роботтың қолынан дәм татады
Қытай астанасында қысқы Олимпиаға қызу дайындық жүріп жатыр, деп хабарлайды Хабар 24.
Бейжіңдегі жарыстар пандемияға байланысты қатаң сақтықпен өтпек. Вирус жұқтырмау үшін ас-суды роботтар әзірлеп, таратады. Жаңа тәжірибе Бейжіңге алғашқылардың қатарында келген ақпарат қызметкерлеріне қолданылып, сынақтан сәтті өтті. Медиа орталықта толық роботтандырылған дәмхана ашылды. Барлық тамақ тұтынушылардың көз алдында дайындалады.