Австралияда су тасқынынан 40 мың адам эвакуацияланды

Австралияда тұрғындарды жаппай эвакуациялау жұмыстары әлі де жүріп жатыр.

Қолда бар ақпарат бойынша осы уақытқа дейін Жаңа Оңтүстік Уэльс штатында 40 мыңға жуық азамат қауіпсіз жерге көшірілген. Билік өкілдерінің айтуынша, көмек сұрап жатқандар қатары бұл саннан 6 есе көп. Естеріңізде болса, өткен аптада осы елдің шығыс бөлігіндегі толассыз жаңбырдан алапат су тасқыны жүрген еді. Салдарынан 9 адам қаза тапты.