Украина қалаларын атқылау жалғасып жатыр

Украинаның Днепр, Ивано-Франковск және Луцк қалаларына оқ атылды, деп хабарлайды «Хабар 24».

Төтенше жағдайлар агенттігінің мәлімдеуінше, Днепр қаласында снарядтар аяқ киім шығаратын фабрикаға тиген. Өрт шығып, іргелес тұрғын ғимарттар жартылай қирады. Бір адам қаза тапты. Украина батысындағы Луцк және Ивано-Франковск қалаларының әкімшіліктері таңертең жарылыс болғанын хабарлады. Кейін Ресей қорғаныс министрлігі осы қалалардың әскери әуежайларына соққы жасағанын растады.