Камчаткада тауға шықпақ болған алты турист қаза тапты
Камчаткада Ключевская сопка тауына шықпақ болған 6 турист қаза тапты.
Туристерден құралған топта 12 адам болған. Марқұмдардың бесеуі 4 мың метр биіктіктен құлаған екен. Бірнеше сағаттан кейін ес-түзсіз жатқан тағы бір саяхатшы жан тапсырды.
Белгілі болғандай, екі адам лагерьге жете алды. Тағы төртеуі 4 мың метр биіктікте тұр. Оларды құтқару үшін тікұшақ жөнелтілді. Ал бұл саяхатты ұйымдастырған фирманы прокуратура тексере бастады. Аймақтық тергеу комитеті болса оқиғаға қатысты қылмыстық іс қозғады.