Ванкуверді түтін тұмшалады
Канададағы Британиялық Колумбия провинциясында орман өртке оранып, аймақ орталығы Ванкувер қаласы көк түтінге оранды.
Шаһардағы ауа сапасы күрт нашарлауынан тұрғындар қиындыққа тап болған. Жалпы аймақта 200-ге жуық өрт ошағы тіркеліп отып отыр. Табиғат апатына байланысты 1 мыңға жуық адам үйлерін тастап, қауіпсіз жерге көшкен. Тұрғындарды эвакуациялау жалғасып жатыр. Жапа шеккендер туралы ақпар жоқ. Өрттен Альберта провинциясына қарай салынып жатқан мұнай құбырының жұмыстары уақытша тоқтатылды.