Лондонда ең биік жаңажылдық инсталляция қосылды

Лондонның зәулім ғимараттарының біріне жаңажылдық жарықтандыру орнатылды.

Батыс Еуропадағы ең биік инсталляцияның сәулесі 65 шақырым қашықтықтан көрінеді. Сонымен қатар, биыл жарықтандыруға интерактивті аудио-элемент қосылды. Ғимараттың жанынан өтіп бара жатқан адам өз телефонында арнайы алты минуттық саундтректі тыңдай алады. Оған Лондонға арналған әуендер қосылған. Зәулім ғимараттың биіктігі шпильмен бірге есептесек, 310 метр болады. Рождество маусымында оның жоғарғы 20 қабаты 500 диодты панельдермен жарықтандырылды.