АҚШ-та 4 күндік жұмыс аптасына ауысу туралы бастама көтеріліп жатыр

АҚШ-та 4 күндік жұмыс аптасына ауысу туралы бастама көтеріліп жатыр.

Зерттеу нәтижелері бойынша көптеген компанияның басшылары төрт тәулік жұмыс жүйесін қолдайтынын көрсетті. Өйткені оның жұмыс берушіге де жұмысшыға да тиімді екені анықталды. АҚШ-та жұмыссыздық деңгейі әлі де төмен. Кейбір кәсіпорындар білікті мамандардан айырылып қалмас үшін жаңа ережені енгізе бастаған.

«Өткен айда Мэриленд штаты төрт күндік жұмыс аптасына көшкен кәсіпорындарға салықтық жеңілдік қарастыру жөніндегі заң жобасын ұсынды. Егер құжат қабылданса АҚШ-тағы алғашқы бағдарлама болғалы тұр. Жалпы америкалықтар аптасына 4 тәулік, 10 сағаттан жұмыс істеуге қарсы емес. Өйткені отбасына, өзінің денсаулығына көбірек көңіл бөлетін бос уақыт пайда болады», - дейді.

Бенджамин, Нью-Йорк қаласының тұрғыны:

- Бұл өте жақсы. Өйткені демалыс тым қысқа болса ештеңеге үлгермейсің.

Тонни, Нью-Йорк қаласының тұрғыны:

- Кейбір штаттардағы заң шығарушылар төрт күндік жұмыс аптасына қолдап, ұсыныс енгізуге болатын шығар. Бірақ оған Үкімет араласып, аптасына бес күн немесе төрт күн істеңдер деп айта алмайды.

«Robert Half» eңбекпен қамту агенттігінің зерттеуі бойынша АҚШ-тағы менеджерлердің 93 проценті командасының аптасына төрт күн жұмыс істеуіне қарсы емес. Олардың 64 проценті алдағы 5 жылда жаңа қысқарған жүйеге көшуді жоспарлап жүр екен.

Криштиану Гуарана, Индиана университеті Келли бизнес мектебінің доценті:

- Төрт күндік жұмыс өнімділігін зерттеу жұмыстары көп жерде жүргізіліп жатыр. Сараптама көрсеткендей, аптасына төрт тәулік жұмыс тәртібі компанияға ғана емес, оның қызметкерлеріне де тиімді екенін көрсеткен. Соның ішінде ең ауқымды әрі нақты зерттеуді Ұлыбритания жасады. Түрлі саладағы 61 компания және 3300 қызметкер дәстүрлі жұмыс аптасынан төрт күндікке ауысқан. Бұл кәсіпорындар ұжымның ахуалы мен өнімділігін білу үшін пилоттық зерттеуге қатысқан.

Ұлыбританиядағы зерттеу қорытындысы бойынша жаңа жұмыс аптасына ауысқан компания табысы аса өзгермеген. Қызметкерлердің еңбек өнімділігі де төмендемеген. Керісінше қызметкерлердің шаршауы азайып, ұйқысы қанып, алаңдаушылық жойылған.

Криштиану Гуарана, Индиана университеті Келли бизнес мектебінің доценті:

- Тәжірибеге қатысқан компанияларда жұмысқа кешігу, келмей қалу, сырақтқа байланысту сұранып кету сияқты жағдайлар азайған. Қазір көптеген кәсіпорындар осы аптасмына төрт күндік жұмысты талантты мамандарды ұстап тұру үшін ұсынатын болған. Демек компанияның ұзақмерзімде жетістікке жетуіне қажет тәсіл сияқты.

Кәсіпкерлер мен қарапайым жұмысшылар да пандемия кезінде қашықтан жұмыс істеудің тиімділігін көрді. Дегенмен сарапшылар, төрт күндік жұмысқа көшкен компаниялар әлі де сирек екенін айтады. Ең бастысы әр кәсіпорын ішкі тәртібі мен еңбек заңдылығын сақтай отырып ыңғайлы кесте бекітуі керек.