Тбилисиде ретрокөліктер фестивалі өтті

Грузия астанасы Тбилисиде ретрокөліктер фестивалі өтті, деп хабарлайды «Хабар 24».

Онда 1900-1994 жылдар аралығында шыққан автомобильдер көпшілік назарына ұсынылды. Ең көмескі тартқан көлікке 88 жыл толса, ал жаңасының өзі 30 жылға жуықтаған.

Грузия 2 жылдан бері тарихи көліктер ассоциациясына мүше. Содан бері ел аумағында ретро стильдегі транспорттардың көрме-жәрмеңкесін ұйымдастыруды дәстүрге айналдырған. 

Лаша Нарсия, Грузия Тарихи көліктер ассоциациясының президенті:

- Бұл автомобильдер сирек кездесетіндіктен, көркем туынды деуге болар. Елдің мәдениеті мен туризмін, сондай-ақ кинематография саласын дамытуға ықпалы орасан. Фестивальге қатысуға 150-ге тарта көлік тіркелді. Бірақ байқағандарыңыздай, халық назарына одан да көп машина ұсынылды.