Нью-Йоркте Палестинаны қолдау шеруі өтті

Нью-Йоркте екі мыңға жуық тұрғын палестиналықтарды қолдау мақсатында шеруге шықты.

Наразылық акциясына елге танымал тұлғалар да қатысып, белсенділік танытты. Олар Газа секторындағы қақтығысты тоқтатуды талап етіп отыр. Палестина билігінің мәліметінше, әуе және артиллериялық соққыдан 10 мыңнан астам адам қаза тапты. Оның тең жартысы – кәмелет жасына толмағандар. Бір күн ішінде 50 мыңға жуық адам Газаның солтүстігінен көшіп кеткен. Қазір аймақта азық-түлік пен жанармай тапшы.