Пусанда Қазақстан-Корея бизнес форумы өтті

Дрондар шығару, сирек кездесетін металдар өндіру және сутегі энергиясын дамыту.

Пусан қаласында өткен Қазақстан-Корея бизнес форумында екі елдің бизнес өкілдері осындай бірқатар ауқымды жобаны талқылады. Жиын Алматы мен Пусан қалалары арасындағы ынтымақтастық туралы келісімнің 1 жыл толуына орай ұйымдастырылды. Оған Пусан экономикалық даму агенттігі мен Қазақстанның Бас консулдығы ұйытқы болды.

Серік Теміртасов, кәсіпкер:

- Өте қызығушылықпен келдім, мына өндіріс саласын дамытуға, өндіріс ашуға Қазақстанда, өзімізде және құрылыс саласын дамытуға. Үлкен тәжірибе алуға болады деп ойлаймын.

Ким Дже Габ, Пусан қ. Экономикалық даму агенттігінің департамент басшысы:

- Пусан әлемдегі логистиканы дамытуда көшбасшылардың бірі болғандықтан, Қазақстанмен осы саладағы ынтымақтастық басым бағыт болып табылады. Біз сондай-ақ жоғары технологияларды, атап айтқанда, көміртегі, бейтарап сутегі энергиясын өндіруді бірлесіп дамыта аламыз. Және біз медициналық технологиялармен алмасып, медициналық жабдықтарды бірлесіп жасай аламыз.