Жапониядағы тауға келетін туристер санына шектеу енгізіледі

Жапония Фудзи тауын көруге келетін туристер санын шектемекші.

Биыл жаздан бастап шыңға саяхат шегушілер қарасы 4 мың адамға қысқартылады. Тауға белгіленген уақыттан тыс мезгілдерде көтерілуге тыйым салынады. Шара аймақты қоқыстан тазалау мақсатында қолға алынғалы отыр. Өйткені тауға барған туристер пайдаланған заттардың қалдығын лақтырып, танымал орынның табиғатына зор нұқсан келе бастаған. Былтыр Фудзи тауына 220 мыңнан астам адам көтеріліпті. Бұл өткен жылмен салыстырғанда 2 есе көп, дейді мамандар.