АҚШ-та ыстықтан қорғануға арналған орталықтар ашылды
АҚШ-тың Финикс қаласында аптап алқымнан алып тұр, деп хабарлайды 24kz.
Сынап бағанасы 43 градусқа дейін көтерілген. Осыған байланысты билік өкілдері ыстықтан қорғануға арналған арнайы орталықтар ашты. Онда шыжыған күннен қиналған тұрғындардың салқын сусын ішіп, сергіп алуына барлық жағдай жасалған. Қажет болса, азаматтарға медициналық көмек те көрсетіледі. Синоптиктердің айтуынша, аймақтағы аптап апта соңына дейін сақталады. Болжам бойынша ауа температурасы 46 градусқа жетуі мүмкін.