Францияда Олимпиада ойындарының медальдері таныстырылды
Парижде Олимпиада ойындарының медальдері таныстырылды.
Онда Эйфель мұнарасы бейнеленген. Сондай-ақ 18 граммдық, алты бұрышты медальдер әлемге әйгілі Мұнараның бұрынғы жөндеу жұмыстары кезінде алынып, құпия қоймада сақталған түпнұсқа сынықтарының балқымасынан жасалған. Осылайша Ұйымдастыру комитеті Ойындарды Францияның басты нышанымен байланыстырғысы келеді. Медальдің бір жағында гректер үшін жеңіс құдайы саналатын Ника, ал келесі бетінде Акрополь бар. Француз монета сарайы барлығы 5084 марапат дайындады.