Ресейдің Краснодар өлкесінде орман өрті сөндірілді

От Новороссийск қаласына жақын Геленджик курорттық аймағында шыққан еді.

Демалыс орнындағы 68 ғимаратқа зақым келді. 600-ден астам турист қауіпсіз жерге көшірілді. 2 адам жарақат алған. Табиғи апаттан Абрау мен Дюрсо елді мекендері көп зиян шекті. Ресейде кейінгі аптада аптап ыстық пен ұйытқыған желден орман өрті жиілеген. Мәселен, Сібірдегі Тува аймағынан Қиыр Шығыстағы Саха Республикасына дейінгі кеңістікте мыңдаған гектар жерді от шарпыды.