Аргентина Америка кубогінің иегері атанды
Футбол жаңалықтары.
Аргентина құрамасы Америка кубогының иегері атанды. Лионель Скаллони шәкірттері қатарынан екінші мәрте құрлық чемпионатында топ жарды. Финалда олар Колумбияны жеңді. Шешуші матчтың негізгі уақытында қарсыластар қақпа кілтін таба алмады. Екінші таймда Аргентина құрамасының капитаны Лионель Месси жарақат алып, алаңнан кетті. Жеңімпаз команда овертаймда анықталды. 112-ші минутта ойынға тыңнан қосылған Лаутаро Мартинес мергендік танытып, Аргентинаға кубокті сыйға тартты.