Windows жүйесінде ақау туындады

Windows жүйеcінде ақау туындап, әлем бойынша маңызды секторлардың қызметіне кедергі келтірді.

Бұл туралы Microsoft компаниясы хабарлады. Техникалық кідіріс шетелдік әуе компаниялары мен әуежай, банк, коммуналдық ұйымдар және телекоммуникация қызметін уақытша тоқтатты. Әсіресе, америкалық әуе желісі қатты зардап шеккен. Байланыстың үзілуінен United Airlines пен Delta Air Lines компаниялары ұшуға шектеу қойды. Frontier компаниясы да 130-дан астам рейске тыйым салған.

Әзірге техникалық іркілістің туындауына нақты не себеп болғаны белгісіз. Корпорация ақау салдарын жою және мәселені шешу жолдарын қарастырып жатыр.