Францияда шеру соңы қақтығыспен аяқталды

Францияның Ла-Рошель қаласында климатты қорғау шеруінің соңы жаппай тәртіпсіздікке ұласты деп хабарлайды 24kz.

Агроөнеркәсіп кешендерін басқару тәсілі мен ауыл шаруашылығына арналған су қоймалары құрылысына қарсылық білдіріп, көшеге шыққан белсенділер полицейлермен қақтығысты. Салдарынан бір тәртіп сақшысын күйік шалған. Бес шеруші жеңіл жарақат алды. Тағы 6 адам қамауға алынған. Жергілікті биліктің айтуынша, наразылық акциясына шамамен 3,5 мың адам қатысқан.