АҚШ Құпия қызметінің басшысы отставкаға кетті – CNN

АҚШ құпия қызметінің директоры Кимберли Читл отставкаға кету туралы өтініш жазды.

Бұл туралы CNN телеарнасы өз дереккөздеріне сілтеме жасай отырып хабарлады. Читлдың қызметтен кетуіне экс-президент Дональд Трампқа жасалған қастандық себеп болғаны айтылады. Бұған дейін АҚШ конгресінің өкілдері қауіпсіздіктің сақталмағанына байланысты Құпия қызметтің директорын қызметтен кетуге шақырған болатын. Алайда Кимберли Читл бұл үндеуді қабылдаудан бас тартып, өзін "құпия қызметті басқаруға қабілетті" деп санайтынын жеткізген.