Қ.Тоқаевтың Э.Макронға сыйға тартқан тазысы БАҚ назарында

Париждегі Олимпиада ойындарының ашылуы қарсаңында Эммануэль Макронның шетел журналистерін қабылдауы туралы мақала жарық көрді, деп хабарлайды 24kz.

Француздың Amazed Blog интернет-басылымының авторы Қасым-Жомарт Тоқаевтың әріптесі Макронға сыйға тартқан қазақ тазысына тоқталады. 24KZ арнасының меншікті тілшісі Әлия Сыздықованың  Францияның бірінші ханымы Брижит Макроннан иттердің қал-жағдайын сұрағанын да жазады. Брижит ханым жауап ретінде Жюль мен Жаннаны көпшілікке көрсетіп, алғаш рет күшіктегелі жүргенін, күшіктердің біреуін біздің тілшіге сыйлауға уәде бергенін баяндапты. «Қазақ басшысының тартуы Елисей сарайына келуші қонақтардың көзайымына айналды», - деп мақаланы түйіндеген автор.