«ХАМАС» ұйымының жаңа жетекшісі тағайындалды
Дохада ХАМАС жетекшілерінің 2 күндік кездесуінен кейін Яхья Синвар ұйымның жаңа қолбасшысы болып тағайындалды.
Қозғалыс мүшелері 61 жастағы Синвардың кандидатурасын бірауыздан мақұлдады. 2017 жылдан бастап ол топтың Газа секторындағы жетекшісі қызметін атқарып келді. Енді топтың саяси тірегі болады. Бұл туралы ХАМАС-тың жоғары лауазымды өкілі BBC агенттігіне мәлімдеді. Ұйым Таяу Шығыста шиеленіс күрт өскен кезеңде осындай шешім қабылдады. Өйткені Иран мен оның одақтастары қозғалыстың бұрынғы басшысы Ханияның өліміне Израильді айыптап отыр. Ал Израиль тарапы бұған еш тіл қатқан жоқ.