Әлемнің ең бақытты елдері анықталды

Әлемдегі ең бақытты адамдар Финляндияда тұрады.

БҰҰ-ның қатысуымен жасалатын жыл сайынғы «The World Happiness Report» рейтингінің нәтижесі осындай. Үздік үштікте Дания мен Исландия бар. Финляндия осымен 7-ші рет бірінші орыннан көрініп отыр.

Тізімді құру кезінде әр тұрғынға шаққандағы ұлттық жалпы өнім, өмір сүру ұзақтығы, әлеуметтік қорғау көрсеткіші, жемқорлық деңгейі секілді факторлар ескеріледі. Сөйтіп 143 мемлекеттен тұратын рейтингте Қазақстан үздік 50 мемлекеттің ішіне кірген. Ал көш соңында тұрған елдердің арасында Ауғанстан, Ливан мен Африкадағы Лесото корольдігі бар.