Еуропада арзан турларды таңдайтын саяхатшылар көбейген

Еуропалықтар демалысында ақша үнемдеуге көшті. Оған өмір сүру құнының өсуі себеп, деп хабарлайды 24kz.

Бұрын all inclusive жүйесі бойынша негізінен жасы 65-тен асқан қарт кісілер демалатын. Енді жастар арасында да қызығушылық танытып жатқандары көп. Одан соң өзгелер бас тартқан турларды таңдайтын еуропалықтар да аз емес. Қазір Кәрі құрлық бойынша ең танымал бағыттар – Грекия, Италия мен Испания.

Норин Кэннон, Ирландиядан келген саяхатшы:

- Біз шығындары алдын ала есептеліп қойған дайын турды таңдадық. Өйткені ол тиімді. Қосымша ақша жұмсамаймыз. Бұл отбасылық демалыс үшін қолайлы.