Бразилияда алапат өрт Сан-Паулу қаласына жақындады

Бразилияның Сан-Паулу қаласы маңында өрт лаулап жатыр, деп хабарлайды 24kz.

От егістік алқаптарын тып-типыл етіп қана қоймай, тұрғын үйлерге қауіп төндіре бастаған. Осыған байланысты жергілікті жұрт жаппай қаладан кетіп жатыр. Тасжолдарда қазір ұзын-сонар кептеліс. Әзірге тілсіз жаудан зардап шеккендер мен опат болғандар жайлы ақпар жоқ.

Айта кетейік, қызыл жалынды ауыздықтауға ондаған маман мен техника тартылған. Алайда аймақтағы құрғақшылық пен қатты жел бірнеше күннен бері ырық бермей тұрған өртті сөндіруге кедергі келтіріп тұр