Қытайдың шығысында аптаптан қауіптіліктің қызыл деңгейі жарияланды

Қытайдың шығысындағы бірнеше аймақта аптап орнады, деп хабарлайды 24kz.

Ауа температурасы 5 күннен бері 40 градустан түспей тұр. Ұлттық метеорологиялық қызмет қауіптің қызыл деңгейін жариялады.

20 аудан мен уезде тауға шығатын жолдар жабылды. Сондай-ақ далада от жағуға қатаң тыйым салынды. Орманды өлкелерде әуеден бақылау жүргізу шаралары күшейтілді. Аймақта салқындап, тынығуға арналған станциялар орнатылып жатыр. Күннің күрт ысуы провинцияда электр энергиясына деген сұранысты арттырды. Бірқатар энергостанцияға салмақ түсті.

Цуй Шимин, Хучоу электрүнемдеуші компания өкілі:

- Тұтынушылар салқындатқыш құралдарын жаппай қосып отыр. Бұл бірқатар трансформаторларға салмақ түсіріп, электр бағандары істен шықты. Аптап кезінде биік бағанның басына шығу аса қауіпті. Алайда халықты тоқпен қамтамасыз ету үшін қызметкерлерді жұмысқа шығаруға тура келді.