Мьянмада дүлей дауылдан қаза тапқандар саны 226-ға жетті
Мьянмадағы «Яги» тайфуны кезінде қаза тапқандар саны 226-ға жетті, деп хабарлайды 24kz.
77 адам із-түзсіз жоғалып кеткен. Дүлей дауыл бірнеше күннен бері ойран салып жатыр. Қауіп әлі сейілер емес. Үйлер мен көпірлер қирады. Табиғи апаттан зардап шеккен 320 адам қауіпсіз жерге көшірілді. Біріккен ұлттар ұйымы 600 мыңдай адамға шұғыл көмек керек деп мәлімдеді. Жалпы биыл Азиядағы ең күшті дауыл ретінде тіркеліп, аталған елдерде 287 адам көз жұмды.