Непалда су тасқыны кезінде 100 адам опат болды
Непал астанасы Катмандуда 3 күн бойы толассыз жаңбыр жауып, арты алапат тасқынға ұласты.
Соның салдарынан 100 адам опат болды. Олардың дені ауа райының қолайсыздығынан көлігі аударылып, жол апаты кезінде көз жұмған. Сондай-ақ тағы 64 тұрғын хабар-ошарсыз кеткен. Табиғи апатқа байланысты негізгі жолдар жабылып, көлік қозғалысы шектелді. Ел билігі қауіп әлі күшейетінін айтып, халықты сақ жүруге шақырды.