Непалда су тасқынынан қаза тапқандар саны 193 адамға жетті

Непалда лай көшкіні мен су тасқынынан опат болғандар саны артты.

Соңғы ақпар бойынша қаза тапқандар қатары 200-ге жуықтады. Дені ел астанасы Катманду тұрғындары. Айта кетейін, бұл қалада өзен арнасынан тасып, шаһардың оңтүстігін лай басқан еді. Соның салдарынан ондаған көпір, су беру құбырлары бүлінді. 300-ге жуық үй қирады. Қазір аймақта құтқару-іздестіру жұмыстары жүріп жатыр. Ішкі істер министрлігі таратқан ақпар бойынша ел бойынша 30-дан астам адам хабар-ошарсыз кеткен.