Таиландта оқушылар мінген автобус өртеніп, 23 адам көз жұмды
Таиландта мектеп автобусы апатқа ұшырап, 23 адам қайтыс болды, деп хабарлайды 24kz.
Арасында балалар да бар. Тағы 20-ға жуық адам жараланған. Оқушылар мен мұғалімдер мінген коғамдық көліктің дөңгелегі жарылып, жолды бөліп тұратын бөгетке соғылған. Салдарынан жарылыс болып, соңы өртке ұласты. Қазір оқиғаға қатысты тергеу жүріп жатыр.
Таиланд жолдағы қауіпсіздік деңгейі ең нашар елдердің біріне жатады. Оған тозығы жеткен көліктер мен жүргізушілердің ережені сақтамауы себеп. Соның салдарынан жыл сайын жол апатынан елде 20 мың адам көз жұмады.