Конгода кеме апатынан 126 адам көз жұмды

Конго Демократиялық Республикасының шығысындағы Киву көлінде 450 жолаушысы бар кеме аударылып, 126 жолаушы қаза тапты.

279 адам із-түзсіз жоғалғандар қатарында. Қолда бар мәлімет бойынша қайғылы оқиға кеменің Гома қаласы портына жақындап қалған кезде болған. Жергілікті билік өкілдерінің айтуынша, опат болғандар саны әлі де артуы мүмкін. Қазір аймақта құтқару-іздестіру жұмыстары жүріп жатыр.