Мюнхенде Oktoberfest аяқталды

Германияда дәстүрлі Oktoberfest фестивалі аяқталды.

Биыл оған 6 жарым млн-нан аса адам келген. 2 аптаға жалғасқан іс-шара кезінде 7 млн литр сыра сатылған. Бұл былтырғы көрсеткіштерден аз. Ұйымдастырушылар қылмыс саны 25 пайызға азайғанын айтады. Оған полицейлердің көптігі себеп. Oktoberfest – жыл сайын күзде Германияның Мюнхен қаласында ұйымдастырылатын сыра фестивалі. Бұл - ең көп кісі жиналатын іс-шараның бірі. Биыл фестивальге сырттан келген меймандар арасында америкалықтар, Италия мен Австралия азаматтары көп болды.