Израиль Ливанды 146 рет әуеден атқылады

Израиль армиясы соңғы тәулікте Ливанға 146 әуе соққысын жасады.

Бұл туралы Ливанның NNA ақпарат агенттігі осы елдің Қоршаған ортаны қорғау министрлігіне сілтеме жасап хабарлады. Бұл жолы көбіне Ливанның оңтүстік бөлігі атқыланған. Қолда бар мәлімет бойынша кейінгі тәулікте 41 адам көз жұмған. Жалпы 2023 жылдың 8 қазанынан бастап Израиль армиясының Ливан аумағына жасаған шабуылдардан бас-аяғы 2350 адам қаза тапты. Бұл Ливанның Денсаулық сақтау министрлігі келтірген дерек. Бұдан бөлек, 430 мыңнан аса азамат бас сауғалап Сирияға қашқан. 188 мыңдай тұрғын қазір уақытша паналау орталықтарында күнелтіп жатыр.