Израиль СІМ: БҰҰ бітімгерлеріне жасалған соққы кездейсоқтық
Израильдің Сыртқы істер министрі Исраэль Кац еврей армиясының БҰҰ күштеріне жасалған соққыны кездейсоқтық деп атады.
Ведомство басшысы бұл туралы Welt газетіне берген сұхбатында мәлімдеді. Оның айтуынша, мұндай шабуылдар Израиль саясатына жат. Осыған байланысты ел билігі қазір UNIFIL-мен келіссөздер жүргізіп жатыр екен. Естеріңізге сала кетейін, жуырда Израиль әскері БҰҰ күштерінің позициясына шабуыл жасады. ЮНИФИЛ-дің хабарлауынша, израильдік танк Кфар-Кила қаласы маңындағы бітімгерлер базасының күзет мұнарасын атқылаған.