Солтүстік Каролина штатында 350 мың сайлаушы таңдауын жасады

АҚШ-тың Солтүстік Каролина штатында мерзімінен бұрын дауыс беру басталды.

Дауыс берудің алғашқы күні 350 мың сайлаушы өз таңдауын жасады. Бұл бұрын-соңды болмаған рекордтық көрсеткіш. Вашингтон Пост басылымы осылай деп жазады. Олардың сөзінше, штатта 25 округ бойынша 76 сайлау учаскесі жұмыс істеп тұр. Сауалнама қорытындысына сәйкес, Трамп пен Харрис тең келеді. Трампты тұрғындардың 48%-ы қолдаса, Харрис 47,5% дауысқа ие. Айта кетейін, бұған дейін Джорджия штатында дауыс берудің алғашқы күнінде 328 мың сайлаушы таңдау жасап, рекордты көрсеткішке ие болды.