Энтони Блинкен Таяу Шығысқа барады

АҚШ-тың мемлекеттік хатшысы Энтони Блинкен Таяу Шығыстағы ахуалды барлау үшін аймаққа арнайы барады.

Мемлекеттік департамент таратқан ақпар бойынша саясаткердің ресми сапары 21 қазанға жоспарланған. Блинкен аймақ көшбасшыларымен Газадағы соғысты тоқтату, жағдайды реттеу жоспарын әзірлеу, сондай-ақ Израиль мен Хезболла арасындағы қақтығысты дипломатиялық жолмен шешу мүмкіндігін талқыламақ. Блинкен өткен жылдың 7 қазанынан бері Таяу Шығысқа 11-рет барғалы отыр.