КХДР құрлықаралық зымыран ұшырғанын мәлімдеді

Солтүстік Корея жаңа құрлықаралық баллистикалық зымыранын ұшырған сынақтың бейнежазбасын жариялады, деп хабарлайды 24kz.

Ол «Хвасон-19» деп аталады. Әскерилер жаңа зымыран «ең қуатты және әбден жетілген жүйе» деп түсіндірді. Ұшу қашықтығы 1 мың, ал биіктігі 7 мың шақырым. Бұл – Солтүстік Корея тарихындағы ең үлкен нәтиже.

Ким Чен Ын: «Хвасон-19»-дың сынақтан өткізілуі дұшпанға қарсы қайтпас қайсарлықты білдіреді», - деп мәлімдеген. Сондай-ақ ол: «Елдің ядролық саясаты өзгермейді», деді.