Дональд Трамп сайлауда жеңіске жеткенін мәлімдеді

АҚШ президенттігіне үміткер Дональд Трамп сайлауда жеңіске жеткенін мәлімдеді. Associated Press агенттігінің хабарлауынша, ол 270 дауысының 267-сін жинады. Қарсыласы Харрис 224 дауысқа ие. Негізгі штаттарда дауыс санау әлі жалғасып жатыр. Трамп Флоридадағы жақтаушыларымен кездесуінде жеңісімен бөлісіп, елдегі жағдайды өзгертуге ниетті екенін айтты. Сондай-ақ заңсыз миграция сияқты америкалықтардың өзекті мәселелерін шешуге уәде берді.

Дональд Трамп, АҚШ президенттігіне үміткер:

- Барлығыңызға алғыс айтқым келеді. Бұл – керемет сәт. Шынымды айтсам, бұл – осы кезеңге дейін орын алған ең маңызды саяси құбылыс. Бұдан былай біз елімізді қолдауға, қорғауға жиналамыз. Америкаға біздің көмегіміз қажет. Барлық олқылықтарды жойып, мәселені ретке келтіреміз. Бүгін біз тарихты жаңарттық. Мүмкін емес нәрсені жойып, саяси жеңісті бағындырдық.

Трамптың басты қарсыласы, Демократиялық партиядан президенттікке үміткер Камала Харрис жақтаушыларымен жоспарлы кездесуін 6 қарашаға қалдырды.