Cairo24: Мысырда қазақстандықтар мінген автобус аударылды
Мысырдың Рас-Седр қаласының маңында туристер мінген автобус аударылып, 41 адам жараланды, деп хабарлайды 24kz.
Cairo24 басылымының хабарлауынша, зардап шеккендер арасында 3 Қазақстан азаматы бар. Қазір бұл ақпаратты еліміздің Сыртқы істер министрлігі тексеріп жатыр. Сондай-ақ жол апатынан 31 ресейлік және украиналық, 3 әзербайжандық және жергілікті 4 азамат зардап шеккен. Барлығы ауруханаға жеткізілді. Әзірге басқа ақпарат жоқ.