Колумбияда тасқынға байланысты төтенше жағдай жарияланды

Бұл туралы ел президенті Густаво Петро мәлімдеді.

Бір аптадан бері толассыз жауған нөсер соңы алапат тасқын және лай көшкініне ұласты. Табиғи апаттан 27 аймақ зардап шекті. Тасқын су мен лай-батпақ үйлерді, мектептер мен егін алқаптарын шайып кеткен. Малға да үлкен қауіп төніп тұр. Қазір 100 мыңнан астам тұрғын шұғыл көмекке мұқтаж. Ел астанасын Боготаны су басты. Кейбір жерде судың деңгейі 70 сантиметрге жеткен.