Джо Байден Ақ үйде Дональд Трампты қабылдады

АҚШ-тың қазіргі басшысы Джо Байден бұрынғы әрі жаңадан сайланған Дональд Трампты Ақ үйде қабылдады.

Саяси қарсыластар "Сопақ кеңседе" алау оттың жанында емен-жарқын сөйлесіп, қол алысқан. Қос саясаткер де билікті қаңтарда еш кедергісіз алмасуға уағдаласты. 2020 жылғы сайлауда Байден Трамптан басым түсті. Бірақ биыл 6 қарашада өткен додада 78 жастағы республикалық Трамп қайта сайланды. Ол 81 жастағы демократ Байден өз орнына ұсынған вице-президент Камала Харристі жеңген болатын.

Джо Байден, АҚШ Президенті:

"Жақсы, жаңадан сайланған және бұрынғы президент Дональд мырза, сізді құттықтаймын және өкілеттікті еш кедергісіз беру ісін асыға күтеміз. Сізді дұрыстап орналастыру үшін қолдан келгеннің бәрін жасаймыз. Бүгін біраз сөйлесудің сәті түсті. Қош келдіңіз!.

Дональд Трамп, АҚШ-тың жаңадан сайланған және бұрынғы президенті:

"Көп рақмет. Саясат қатал әрі көп жағдайда дұрыс нәрсе емес. Бірақ бүгін саясат жақсы болып тұр. Билікті беру үдерісі кедергісіз жүріп жатыр. Мен мұны өте бағалаймын, Джо!"