Трамп кіші Кеннедиді АҚШ-тың денсаулық сақтау министрінің орнына ұсынды
Дональд Трамп кіші Роберт Кеннедиді АҚШ Денсаулық сақтау және әлеуметтік қызмет министрінің орнына ұсынды. Болашақ президенттің айтуынша, ол елдегі созылмалы ауруларға қарсы тиімді күрес жүргізіп, тұрғындарды зиянды химикат, пестицид және қоспалардан қорғай алады.
Трамп ұсынған кандидатураны енді сенат бекітуі тиіс. Кіші Кеннедидің жасы 70-те. Ол да бұған дейін тәуелсіз үміткер ретінде президент сайлауына қатысқан еді. Бірақ кейін бас тартып, Трамптың қолдаушысына айналды. Трамп CNN телеарнасына берген сұхбатында кіші Кеннеди сайлауалды додадан бас тартса, оған жақсы қызмет ұсынатынын айтқан болатын.