Халықаралық ғарыш станциясына қоқыс қауіп төндірді

Халықаралық ғарыш станциясы аспандағы қоқыспен соқтығысып қала жаздады, деп хабарлайды 24kz.

Бірақ нысанның орбитадағы тұрған орнын 800 метрдей кеңістікке өзгертіп, соққыдан аман қалған. Бұл туралы «Роскосмос» Telegram арнасы хабарлады. Орбитаны өзгерту әрекеті Астана уақыты бойынша түнгі 01.00-де жасалған.

Айта кетейік, Халықаралық ғарыш стансасында қазір 72-ші экспедицияның экипажы жұмыс жүргізіп жатыр. Құрамында Ресейдің 3, НАСА-ның 4 ғарышкері бар.