Дональд Трамп Си Цзиньпинді ұлықтау рәсіміне шақырды

АҚШ-тың жаңадан сайланған президенті Дональд Трамп Қытай Халық Республикасының төрағасы Си Цзиньпинді ұлықтау рәсіміне шақырды. Бұл туралы «Си-би-эс ньюс» телеарнасы хабарлады.

Трамп ресми шақыруды өткен айда жіберген. Бірақ қытайлық әріптесі әлі жауап бермеген. Азиялық елдің Вашингтондағы елшілігі де әзірге ешқандай түсініктеме берген жоқ. Трамп ұлықтау рәсіміне Венгрия мен Израильдің премьер-министрлерін де шақыруға ниетті екен. АҚШ-тың 47-ші президентінің ант беру салтанаты 20 қаңтарда өтеді.