Калифорнияда орман өрті құрбандарының саны артты
АҚШ-тың Калифорния штатында алапат өрттен қаза тапқандар саны 10-ға жетті.
Тағы мыңдаған адам зардап шекті. CNN агенттігі осылай деп хабарлады. Қызыл жалынның негізгі ошағы Палисейдсте өрт шарпыған аумақ 8 мың гектарға жетті. Мұнда тілсіз жау мыңдаған нысанды күлге айналдырған. Итонда да жағдай мәз емес. 5 мың гектар жер өртке оранды. Жұрт осылай апатпен әбігер болып жатқанда ұрылар да қарап жатпаған. Полиция 20 адамның заң бұзу әрекеті үстінде ұсталғанын хабарлады. Қазір өрттің өршу себебін анықтау жұмыстары жүргізіліп жатыр.