Лос-Анджелесте 10 мыңнан астам күлге айналды
Лос-Анджелесте ормандағы өрт ырық бермей тұр. Fox News телеарнасының хабарлауынша, 10 мыңнан астам үй күлге айналған. Өртенген аумақ көлемі 12 мың гектардан асады. Тілсіз жаудан 10 адам опат болды. Калифорния штатындағы өрт 7 қаңтарда тұтанып, 7 ірі от ошағы тіркелді. Әлемге әйгілі Голливуд жотасында өрттің беті қайтты. Америкалық киножұлдыздардың элиталық үйлері жанып кетті. Сарапшылар шығын 50 миллиард доллардан асады дейді.
Билік 180 мың адамға шұғыл қауіпсіз жаққа көшуге нұсқау берді. Ел басына ауыртпалық түскен кезде ұры-қары шықты. Полиция иесіз үйлерді тонап жатқан 20 қылмыскерді ұстады. Кейбір аудандарда коменданттық сағат жарияланды.