Калифорнияда жоғары өрт қаупі сақталады

Калифорния штатының оңтүстік бөлігінде жоғары өрт қаупі сақталады. Бұл туралы ұлттық метеорология қызметі ескертеді. Мамандардың дерегінше, осы аптада аймақта құрғақ ауа райы сақталып, жел басылмайды. Әсіресе Лос-Анджелес, Вентура және Санта-Барбара өңірлеріндегі жағдай күрделі.

Лос-Анджелесте өткен аптадан бері орман өрті өршіп тұр. Салдарынан 24 адам опат болған. 12 мыңнан аса құрылыс күлге айналды.