Трамп заңсыз мигранттарды елден шығаруды бірден бастамақшы

АҚШ-тың жаңадан сайланған президенті Дональд Трамп таққа отыра сала заңсыз мигранттарды елден шығарады, деп хабарлайды 24kz.

The Wall Street Journal басылымы осылай дейді. Рейд жұмыстары алдымен Иллинойс штатындағы Чикаго қаласынан басталады. Бұл процесс 1 аптаға созылуы мүмкін. Оған АҚШ-тың иммиграция және кедендік бақылау қызметінің 200-ге жуық маманы тартылады. Бірінші кезекте құжаты жоқ келімсектерді депортациялау жоспарланған. Рейд жұмыстары Чикагодан соң Нью-Йорк, Лос-Анджелес, Денвер және Майамиде жүреді.