loader


А. Құнанбаевтың мұраларына арналған 24 жаңа кітаптың тұсауы кесілді

Бүгін ақын, ағартушы Абай Құнанбаевтың мұраларына арналған 24 жаңа кітаптың тұсауы кесілді.

Еуразия Ұлттық университетінде өткен шараға оқу орын ректоры, Абайтанушылар және еліміздің ғылыми-сараптамалық қоғамдастығының өкілдері қатысты. Су жаңа кітаптарға «Абай және Ахмет», «Қазіргі қоғам басымдығы», «Абай және Ұлы дала мұрасы» ғылыми зерттеулері арқау болған. Авторлардың айтуынша, ұлы ойшылдың 43-ші қара сөзінің түпкі мағынасы мен кілтін - осы жаңа кітаптардан табуға болады. Жалпы, туындыларды жазып шығаруға 5 жыл уақыт кеткен.

Тұрсын Жұртбай – филология ғылымдарының докторы, абайтанушы:

- Осы уақытқа дейін 70-тен астам кітап шығарғанда, телміріп терең ойдың соңына ергенеде осы Абай туралы 4 жылдық еңбектің аяқталуы тұсында толық санам орнықты. Оның басты себебі - біз Абайды түсініп оқудың жаңа бір жүйесін тапқан сияқтымыз. Сондықтан да мен бұл еңбегімді қалың қауым алдындағы жауапкершілікті сезіне отырып, ғылыми қорытынды есебінде жариялауға бел байлағаным сол.

 

Сондай-ақ...