Астанада халықаралық Comic Con фестивалі өтіп жатыр

Елордада халықаралық Comic Con Astana фестивалі өтіп жатыр, деп хабарлайды 24kz.

Ауқымды іс-шараға, әлемге танымал продюсерлер мен блогерлерден бастап голливуд жұлдыздарына дейін келген. Арасында «Доктор Стренж», «Казино Рояль» фильмдерінде басты рөлді сомдаған Мадс Миккельсен бар. Фестиваль 3 күнге жоспарланған. Келушілер сол уақыт аралығында өздерінің сүйікті кейіпкерлерімен, басқа да танымал жұлдыздармен суретке түсіп, қолтаңбаларын алуға мүмкіндігі бар. Ерекше форматтағы іс-шара, креативті идеяларға толы. Онда әлемдік және отандық студиялар өздерінің ойын-сауық стендтерін ұсынып, жаңа туындыларымен таныстырады. Ұйымдастырушылар фестиваль аясында елге 5 мыңға жуық турист келеді деп жоспарлап отыр.

Айта кетейік, Comic Con жобасы осымен үшінші рет өтіп жатыр.

Мақсат Жаңабаев, Астана қаласы Инвестициялар және кәсіпкерлікті дамыту басқармасы басшысының орынбасары:

- Фестиваль мақсаты – Астана қаласын әлемге танымал ету. Оның ішінде туризм саласын дамыту. 45 мыңнан астам билет сатылды. 7 жасқа дейінгі балаларға тегін. Былай санасақ, 60-100 мыңға дейін адам қабылдаймын мақсат қойып отырмыз. Фестиваль 25 шілдеден 28-іне дейін 4 күн өтеді.