Канадалық кинофестивальде қазақстандық режиссердің фильмі жоғары бағаланды
Канадалық беделді кинофестивальде режиссер Әділхан Ержановтың «Дала қасқырлары» фильмі жоғары бағаланды.
Басты рольдерді сомдаған Берік Айтжанов пен Анна Старченко фестивальдің үздік актерлері атанды. Ал оператор Еркінбек Птыралиев Оскар киноакадемиясының мүшелігіне қабылданды. Енді ол «Оскар» сыйлығына дауыс беруге қатысатын алғашқы қазақстандық болмақ. Бұл туралы ҚР Мәдениет және ақпарат министрлігі мәлім етті. Кинокартинада ұрланған ұлын іздеген Тамараның өмірі баяндалады. Күмәнді детективтің көмегіне жүгінген әйел кейіннен күтпеген оқиғаларға тап болады. Айта кету керек, «Дала қасқырлары» фильмі бұған дейін Reims Polar 2024 кинофестивалінде француз сыншылар қауымдастығының жүлдесін жеңіп алған болатын.