ҚР Ұлттық музейінде Димаш Құдайбергеннің көрмесі ашылды

Ұлттық музейде Димаш Құдайбергеннің шығармашылығына арналған көрме ашылды, деп хабарлайды 24kz.

Арнайы экспозицияда әншінің балалық шағындағы жеке заттары, суреттері, костюмдері мен жүлделері және тыңдармандарының сыйлықтары қойылған. Көрме халық әртісінің елордада бүгін және ертең өтетін жеке концертіне орай ұйымдастырылған. Астана тұрғындары мен қонақтары көрмені алдағы үш апта ішінде тамашалай алады. 

Светлана Айтбаева, Димаш Құдайбергеннің анасы:

- Димаштың тыңдармандары Қытай, Америка, Германиядан келіп жатыр. Концертке 10 мыңнан аса адам келмек. Сол үшін қуаныштымыз.

Букет Гюмюш, Димаш Құдайбергеннің тыңдарманы:

- Димаштың концертінде алғаш рет Ыстамбұлда болғанмын. Енді Қазақстанға арнайы келдім. Оның өнерін тағы да тамашалайтын мүмкіндік туғанына қатты қуаныштымын. Оның үстіне Дүниежүзілік көшпенділер ойындарын да көрдім. Бағдарламасы өте ұнады.